Assam-a National Register of Citizens (NRC) kalpui mek chu tun thla tawpah hian a final list tihchhuah tura tih ni tawh mah se, mi nuai 25 zetin sorkar laipui hnenah enfiah leh dilna petition an thehlut.

Home Ministry chuan NRC list-ah hian mi pawimawh tak tak tam tak hming a tel lo tih an sawi.  Ministry hian May thla khan thupek tichhuakin Assam NRC kalpui mek, final list-a telh loh turte chu thla li chhungin Foreigners’ Tribunal hnuaia an chungchang ngaihtuah turin thupek a  tichhuak a ni. Mahse NRC claims and objections chungchanga lawm lo an tam avangin Home Ministry chu a tihchhuah aṭang hian a inhnukhniam leh ta thung.

Draft list tihchhuah tawh hoah khan NRC-a telh dilna thehlut mi nuai 41 vel chu hnawl an ni a, heng zinga mi nuai 36 vel hian telh an nih lohna chu ennawn leh turin an ti. Hetihlai hian NRC list-a telh mi nuai hnih vel zet lakah objection thehluh a ni bawk.

Heng claims and objection-te hi NRC centre hrang hrangah ngaihtuah mek a ni.

Sorkar thupek ang chuan dan loa ramchhunga awm nia hriat zawng zawngte chu thawnchhuah vek tur an ni. Sorkar chuan Zirtawpni khan hemi chungchanga hun pek belh a dilnaah Supreme Court-ah thu thlenin, "India ram chu khawvela raltlante khawpuiah kan siam thei lo", a ti.

1951-a kalpui tawh Assam NRC chu tunah hian chhunzawm leh chauh a ni a, tun ṭuma NRC kalpui mekah hian March 25, 1971 hmaa India rama awm chin chu khua leh tuia chhiar an ni dawn a ni. 

Share this Post